தாய்ப்பசு

கண் தானம்

சிறந்தது தான்.

என்றாலும்

என்

கண்களை தானம்

வழங்கும் அனுமதியை

நீங்கள்

அவளிடம் தான் கேட்க வேண்டும்.

*

தாய்ப்பசு

அவள்.

இளங்கன்று

நான்.

விளையாடச் செல்லும்

வேளைகளில்

தடுமாறிடுவேனோ என

எப்போதும் அச்சத்துடனே இருக்கிறாள்.

எங்கு சென்றாலும்

அவள் மடி தேடி வருவேன் என்பதை மறந்து.

**

அவளுக்கு “அமுதென்றும்” பேர் -04

எங்களை
பார்த்தவர்களில் பலரும்
‘கொஞ்சம் அழகானவளைப்
பார்த்திருக்கலாமே’ - என்றார்கள்.

‘என் கண்ணால்’
பார்க்கத் தவறிய அவர்களுக்கு
அழகைப்பற்றி என்ன தெரியும்...?

***

கையில்
இரு ஆரஞ்சு பழங்களைத் திணித்து
சாப்பிடச்சொல்லி விட்டு

சுவைமிகு
சுளையிரண்டையும்
அவளே எடுத்துச் செல்லும்
விநோதத்தை
யாரிடம் போய் சொல்ல...?

அவளுக்கு “அமுதென்றும்” பேர் -03

முற்றா இளம்புல்

அவளது எழுத்துக்கள்.

மீண்டும் மீண்டும்
தூண்டுகிறது படிக்கும் ஆவலை.

அடங்கா பசி கொண்ட கிழப்பசு

முற்றா இளம்புல்லை சப்பி மேயும் 

காட்சியைக் குறிக்கும்

குறுந்தொகைப் பாடலொன்று

நினைவில் நிழலாடுகிறது.

ம்ம்!
என்னாவாயிருக்கும்...?

எரி’மழை’

குடை கொண்டு போக
மறந்து விட்டேன்

‘தானே’ தயவால்
தொடர் தூரல்

நனைந்தபடியே
வீட்டிற்குச் சென்றேன்.

ஈரக்கூந்தலுடன் எதிரே
வாசமாய் நிற்கிறாள் ‘அவள்’.

மழையென்றும் பாராமல்
பற்றியெரியப் போகிறது
எங்கள் குடிசை!


*தானே’ : 29/12/2011 & 30/12/2011 ஆகிய இரு நாட்களில் தமிழகத்தைப் பதம் பார்த்த ‘புயல்’. 

***

 நூல் ஆர்வலர்களுக்கு : 


                    நமது நண்பர் திரு.வேடியப்பன் அவர்களின்,
                    DISCOVERY BOOK PALACE -ம் 
                   சென்னை புத்தக கண்காட்சி - யில் இடம்பெறுகிறது
                                      கடை எண்: 334,
                             நாள் : 05/12/2012 முதல் 17/01/12 வரை

                             தொடர்புக்கு : 9940446650

அவளுக்கு “அமுதென்றும்” பேர் -02

கோபத்தில் திட்டி விட்டால்...


எப்போது அழைப்பார் அப்பா - என 

வாயில் விரல் வைத்து 

ஏங்கி நிற்கும் குழந்தைப் போல, 

எப்போது அழைப்பேன் - என 

முப்பொழுதும் 

வாயில் முத்தங்களை வைத்து

ஏங்கி நிற்கும் குமரி ‘அவள்’.

அவளுக்கு “அமுதென்றும்” பேர் -01

இதழ் மீது
மிதக்கும்
பனித்துளிகளை
சூரியன் களவாடி விடுவதால்,

எனக்கான
தேன் துளிகளை
இதழ் இடுக்குகளில்
பதுக்கி வைத்து பரிமாறுபவள்- அவள்.

***

நோக்கு வர்மத்தால்
நெடுந்தொலைவிலிருந்தே
நோய்* தந்தாள்.

அருகினில் நெருங்கி
அளவளாவும் போது தான் தெரிந்தது
பேச்சு வர்மத்திலும்
பெருங் கைக்காரி அவளென.!




* நோய் - காதல்

***